Hrevin Khalaf

Frammenti di Archiloco - lettura

Moneta d'argento da Paros, 200 a.C. ca. Archiloco seduto, con lira e plettro. 
Immagine tratta dall'art. di G. Nagy https://classical-inquiries.chs.harvard.edu/picturing-archilochus-as-a-cult-hero/

La scansione e la lettura si devono alla dott. Cristiana De Luca (Università di Pisa) che ringrazio per il valido contributo.


Per alcuni frammenti, si può vedere analisi metrica e lettura anche nel prezioso Poesialatina del prof. Giuseppe Frappa, sotto la voce Archiloco, in Testi greci interattivi, 
a questo link:
http://www.poesialatina.it/_ns/Greek/tt2/p/Elenco.html

Fr. 1 W. - distico elegiaco                                               fr. 1 lettura                                      

εἰμὶ δ' ἐγὼ θεράπων μὲν Ἐνυαλίοιο ἄνακτος      

   καὶ Μουσέων ἐρατὸν δῶρον ἐπιστάμενος                                     

Fr. 2 W. - distico elegiaco                                               fr. 2 lettura

ἐν δορὶ μέν μοι μᾶζα μεμαγμένη, ἐν δορὶ δ' οἶνος

   Ἰσμαρικός· πίνω δ' ἐν δορὶ κεκλιμένος

Fr. 5 W. - distici elegiaci                                                 fr. 5 lettura

ἀσπίδι μὲν Σαΐων τις ἀγάλλεται, ἣν παρὰ θάμνωι,

   ἔντος ἀμώμητον, κάλλιπον οὐκ ἐθέλων·

αὐτὸν δ' ἐξεσάωσα. τί μοι μέλει ἀσπὶς ἐκείνη;

   ἐρρέτω· ἐξαῦτις κτήσομαι οὐ κακίω.

Fr. 13 W. - distici elegiaci                                               fr. 13 lettura

κήδεα μὲν στονόεντα Περίκλεες οὔτέ τις ἀστῶν

   μεμφόμενος θαλίηις τέρψεται οὐδὲ πόλις·

τοίους γὰρ κατὰ κῦμα πολυφλοίσβοιο θαλάσσης

   ἔκλυσεν, οἰδαλέους δ' ἀμφ' ὀδύνηις ἔχομεν

πνεύμονας. ἀλλὰ θεοὶ γὰρ ἀνηκέστοισι κακοῖσιν                5

   ὦ φίλ' ἐπὶ κρατερὴν τλημοσύνην ἔθεσαν

φάρμακον. ἄλλοτε ἄλλος ἔχει τόδε· νῦν μὲν ἐς ἡμέας

   ἐτράπεθ', αἱματόεν δ' ἕλκος ἀναστένομεν,

ἐξαῦτις δ' ἑτέρους ἐπαμείψεται. ἀλλὰ τάχιστα

   τλῆτε, γυναικεῖον πένθος ἀπωσάμενοι.                           10

Fr. 19 W. - trimetri giambici                                            fr. 19 lettura

"οὔ μοι τὰ Γύγεω τοῦ πολυχρύσου μέλει,

οὐδ' εἷλέ πώ με ζῆλος, οὐδ' ἀγαίομαι

θεῶν ἔργα, μεγάλης δ' οὐκ ἐρέω τυραννίδος·

ἀπόπροθεν γάρ ἐστιν ὀφθαλμῶν ἐμῶν."

Fr. 114 W. - tetrametri trocaici catalettici                     fr. 114 lettura                    

οὐ φιλέω μέγαν στρατηγὸν οὐδὲ διαπεπλιγμένον

οὐδὲ βοστρύχοισι γαῦρον οὐδ' ὑπεξυρημένον,

ἀλλά μοι σμικρός τις εἴη καὶ περὶ κνήμας ἰδεῖν

ῥοικός, ἀσφαλέως βεβηκὼς ποσσί, καρδίης πλέως.

Fr. 118 W. - tetrametri trocaici catalettici                    fr. 118 lettura 

εἰ γὰρ ὣς ἐμοὶ γένοιτο χεῖρα Νεοβούλης θιγεῖν.

Fr. 122 W. - tetrametri trocaici catalettici                    fr. 122 lettura

χρημάτων ἄελπτον οὐδέν ἐστιν οὐδ' ἀπώμοτον

οὐδὲ θαυμάσιον, ἐπειδὴ Ζεὺς πατὴρ Ὀλυμπίων

ἐκ μεσαμβρίης ἔθηκε νύκτ', ἀποκρύψας φάος

ἡλίου λάμποντος, λυγρὸν†δ' ἦλθ' ἐπ' ἀνθρώπους δέος.

ἐκ δὲ τοῦ καὶ πιστὰ πάντα κἀπίελπτα γίνεται                      5

ἀνδράσιν· μηδεὶς ἔθ' ὑμέων εἰσορέων θαυμαζέτω

μηδ' ἐὰν δελφῖσι θῆρες ἀνταμείψωνται νομὸν

ἐνάλιον, καί σφιν θαλάσσης ἠχέεντα κύματα

φίλτερ' ἠπείρου γένηται, τοῖσι δ' ὑλέειν ὄρος.

Fr. 126 W. - tetrametri trocaici catalettici                      fr. 126 lettura

ˉ ˘ ˉ ˉ^̆ ˉ ˘ ˉ ˉ^̆ ἓν δ' ἐπίσταμαι μέγα,

τὸν κακῶς ‹μ'› ἔρδοντα δεινοῖς ἀνταμείβεσθαι κακοῖς.

Fr. 128 W. - tetrametri trocaici catalettici                       fr. 128 lettura

θυμέ, θύμ', ἀμηχάνοισι κήδεσιν κυκώμενε,

ἀναδευ δυσμενῶν†δ' ἀλέξεο προσβαλὼν ἐναντίον

στέρνον ἐνδοκοισιν ἐχθρῶν πλησίον κατασταθεὶς

ἀσφαλέως· καὶ μήτε νικέων ἀμφάδην ἀγάλλεο,

μηδὲ νικηθεὶς ἐν οἴκωι καππεσὼν ὀδύρεο,                       5

ἀλλὰ χαρτοῖσίν τε χαῖρε καὶ κακοῖσιν ἀσχάλα

μὴ λίην, γίνωσκε δ' οἷος ῥυσμὸς ἀνθρώπους ἔχει.